Viðburðaröð um samgöngumál haldin í Grósku

Farþegi ferðast eftir Njarðargötu og horfir yfir Vatnsmýrina. Mynd úr skýrslu um Borgarlínu.

Vísindagarðar HÍ standa fyrir viðburðaröð um samgöngumál og lausnir: Umferðin & okkar daglega líf, í Grósku. Fyrsti viðburðurinn fer fram miðvikudaginn 14. febrúar og verður þar af nægu að taka, fyrirtæki kynna vörur sínar á fyrstu hæð Grósku og í fyrirlestrasal verða fjöldi erinda og pallborðsumræður.

Fyrsti viðburðurinn af þremur

Markmiðið með viðburðinum er að efna til samtals um samgöngur í okkar nærumhverfi - horft verður til framtíðar og fjölbreyttra lausna.

Vísindagarðar vilja leggja sitt af mörkum í þeirri miklu umræðu sem nú á sér stað um þróun samgöngumála og hvernig aðrir kostir en einkabíllinn geti verið hagkvæmari.

Þetta er fyrsti viðburðurinn af þremur sem Vísindagarðar standa fyrir um samgöngumál og verður sá næsti á Hönnunarmars í apríl 2024.

Fjölbreytt dagskrá

Húsið opnar klukkan 8:15 með ilmandi kaffi og munu eftirtaldir aðilar kynna vörur og þjónustu á fyrstu hæð Grósku:

- 66°N

- Nytjahjól

- Pikkoló

- Reiðhjólaverslunin Berlín

- Samtök um bíllausan lífsstíl

- Strætó

- Örninn

Í fyrirlestrasal verða örerindi og umræður um þetta mikilvæga málefni þar sem fjölbreyttar raddir fá að heyrast. Hvernig munu samgöngumálin í Vatnsmýri þróast?

Boðið verður upp á veitingar, morgun- og hádegisverð, kaffi og aðra drykki.

Skráning

Öll eru velkomin en endilega skráið ykkur svo við getum áætlað rétt magn veitinga. https://www.visindagardar.is/skraning-a-vidburd-panel

Hvernig munu samgöngumál þróast? Svona túlkar gervigreindin Dall-E3 myndabeiðnina "umferð í Reykjavík".